Aadhe Aadhe Jo Bhi Kiye The Sare Kaam Fazool Gaye

Aadhe Aadhe Jo Bhi Kiye The Sare Kaam Fazool Gaye

Subha Hoi To Yaad Aaye Tum... Sham Hoi To Bhool Gaye

Barish Aur Tumhara Ghum Mashroot Howa Hai Muddat Se

Dor Kahin Par Badal Barse... Aankh mein Aansoo Jhool Gaye

Jin sarrkon Par Khushi Khushi Hum Gantoo Tere Sath Chale

Tere Bad Hum Un Sarrkon Se... Sari Umar Malol Gaye

Yaad Hai Us Din Dono Mil Kar Kitni Dair Hanse The Jab

Tune Jhooti Tarifein Ki... Hum Danista Phool Gaye

Dil sabar ke mimbar par bithaya ke Khuda hai

Dil sabar ke mimbar par bithaya ke Khuda hai

Aur sukar ko aezaz banaya ke Khuda hai

Eik sajde se tabdil kia Shah ne manzar

Tab Moat ne andaza lagaya ke Khuda hai

Wo sajda to aesa howa... Allah wo sajda

Jab samne aesay nazar aaya ke Khuda hai

Hai aaj talak zinda o javed shahadat

Tum ab to samajh jao khudaya ke... Khuda hai

khof hota na kabhi sath choot jane ka

khof hota na kabhi sath chot jane ka

kash darya ka koi eik kinara hota

us ke jazbon mein tha har shaka ka hissa warna

woh kisi eik ka hita to hamara hota

Is ki palkon pe koi Khawab saja rehne de

Is ki palkon pe koi Khawab saja rehne de

Habas barh jaye ga is dar khula rehne de

Mere malik tu bhale cheen le goyai meri

Mere honton peh faqat aik Dua rehne de

Mere khawabon ko bhatkne se bachane ke liye

Shab ki dehleez peh yadon ka dia rehne de

Be rukhi hi tere mujrim ke liye kafi hai

Us se munh mor le koi aur saza rehne de

Chand ban kar tere kamre mein uter aayon ga

Aaj ki raat to khirki ko khula rehne de

Baad Muddat Usay Dekha Logo

Baad Muddat Usay Dekha Logo

Wo Zara Bhi Nahi Badla Logo

Khush Na Tha Mujh Se Bhichar Kar Wo Bhi

Us K Chehre Par Likha Tha Logo

Us Ki Aankhein Bhi Keh Deti Thein

Raat Bhar Wo Bhi Nahi Soya Logo

Ajnabi Ban K Jo Guzra Hai Abhi 

Tha Kisi Waqat Wo Apna Logo

Dost To Khair Koi Kis Ka Hai

Us Ne Dushman Bhi Na Samjha Logo

Raat Wo Dard Mere Dil Mein Utha 

Subha Tak Chain Na Aaya Logo

Pyas Sehraon Ki Phir Teiz Hoi

Abar Phir Toot K Barsa Logo

Allah usey uski khwahish se barh ke ata kare Ameen

Allah usey uski khwahish se barh k ata kare 
Ameen

Hazar dukh mujhe dena magar khayal rahe

Hazar dukh mujhe dena magar khayal rahe

Mere Khudaya mera hausla bahal rahe

Aana ki jang mein hum jeet to gaye lekin

Phir us ke bad bari dair tak nidhal rahe

Kabhi Sahar To Kabhi Shaam Le Gaya Mujh Se

Kabhi Sahar To Kabhi Shaam Le Gaya Mujh Se

Tumhara Dard Kayi Kaam Le Gaya Mujh Se

Mujhe Khabar Na Hui Aur Zamaana Jaate Howe

Nazar Bachaa Ke Tera Naam Le Gaya Mujh Se

Usse Ziada Zarorat Thi Ghar Basane Ki

Wo Aake Mere Dar o Baam Le Gaya Mujh Se

Bhala Kahan Koi Juz us ke Milne Waala Tha

Bas Ik Jurrat-e-Naakaam Le Gaya Mujh Se

Bas Ik Lamhay Ke Sach Jhoot Ke Aiwz Farhat

Tamaam Umar Ka ilzaam Le Gaya Mujh Se

Labon Pe Geet Tou Aankhon Main Khawab Rakhte The

Labon Pe Geet Tou Aankhon Main Khawab Rakhte The

Kabhi Kitaboon Main Hum Bhi Gulaab Rakhte The

Kabhi Kisi Ka Jo Hota Tha Intazar Hamain

Bara Hi Shaam o Sahar Ka Hisaab Rakhte The

Insan ka sab se acha dost Allah hai

Insan ka sab se acha dost Allah hai

Bohat jaldi maan jata hai

Porani batein yaad nahi karwata

Apne pas se kabhi wapis nahi lota ta

Mohsin meri lehad mein woh manzar ajeeb tha

Mohsin meri lehad mein woh manzar ajeeb tha

Jab mein ne khud Ali se kaha Ya Ali madad

Aag Ho To Jalne Mein Der Kitni Lagti Hai

Aag Ho To Jalne Mein Der Kitni Lagti Hai

Barf Ko Pighalne Mein Der Kitni Lagti Hai

Chahe Koi Ruk Jaye Chahe Koi Reh Jaye

Qafilon Ko Chalne Mein Der Kitni Lagti Hai

Chahe Koi Jaisa Bhi Hamsafar Ho Sadiyon Se

Rasta Badalne Mein Der Kitni Lagti Hai

Ye To Waqt Ke Bas Mein Hai Ke Kitni Mohlat De

Warna Bakht Dhalne Mein Der Kitni Lagti Hai

Mom Ka Badan Lekar Dhoop Mein Nikal Aana

Aur Phir Pighalne Mein Der Kitni Lagti Hai

Soch Ki Zaminon Mein Raste Juda Hoon To

Door Ja Nikalne Mein Der Kitni Lagti Hai

Us ke nazdeek gham e tark e wafa kuch bhi nahin

Us ke nazdeek gham e tark e wafa kuch bhi nahin

Mutmayin aesa hai jese howa kuch bhi nahi

Ab to hathon ki lakeeren bhi mitti jati hain

Uss ko kho kar to mere pas raha kuch bhi nahi

Kal bicharna hai to phir ehd e wafa soch ke bandh

Abhi aaghaz e mohabbat hai gaya kuch bhi nahi

Main to is waste chop hoon ke tamasha na bane

Tu samajhta hai mujhe tujh se gila kuch bhi nahi

Ae Shumaar Ankhein isi tarah bichaye rakhna

Jane kis waqt woh aa jaye pata kuch bhi nahi

Hausla Haar Ke Bethoon Ga To Mar Jaon Ga

Manzilen lakh kathan ayen guzar jaon ga

Hausla Haar Ke Bethoon Ga To Mar Jaon Ga

chal rahe the jo mere sath kahan hain woh log

Jo yeh kehte the ke raste mein bikhar jaon ga

Darbadar hone se pehle kabhi socha bhi na tha

ghar mujhe raas na aaya to kidhar jaon ga

Yaad rakhe mujhe duniya teri tasveer ke sath

Rang aese teri tasveer mein bhar jaon ga

Lakh roken yeh andhere mera rasta lekin

Main jidhar roshni jaye gi udhar jaon ga

Raas aayi na mujhe mohabbat warna saqi

Main ne socha tha ke har dil mein utar jaon ga

jo maza talab mein hai

jo maza talab mein hai

Hasil mein kahan

Usay yeh shikwa ke main usay samajh na saki

Usay yeh shikwa ke main usay samajh na saki

Aur mujhe ye maan ke main janti faqt usi ko thi

Bichar ke rah-e-ishq mein is kadar howe tanha

Bichar ke rah-e-ishq mein is kadar howe tanha

Thake tanha

Giray tanha

Uthe tanha

Chale tanha

Wo Jo Aa jate The Aankhon Mein Sitare Le Kar

Wo Jo Aa jate The Aankhon Mein Sitare Le Kar

Jane Kis Dais Gaye Khawab Humare Le Kar

Chaon Mein Bethne Wale Hi To Sub Se Pehle

Pair Girta Hai To Aa Jate Hain Aarey Le Kar

Wo Jo Aasoda Sahil Hain Inhain Kia Maloom

Ab K Mouj Aai To Palte Gi Kinara Le Kar

Aesa Lagta Hai Ke har Mosam- E-Hijran Mein Bahar

Hont Rakh Deti Hai Shakhon Par Tumhare Le Kar

Shehar Walon Ko Kahan Yaad Hai Wo Khawab Farosh

Phirta Rehta Tha Jo Galion Mein Ghubare Le Kar 

Tum se roz kinara karna Kaise yaar gawara karna

Tum se roz kinara karna

Kaise yaar gawara karna

Chahe jaag ko tum rakh lena

Usko mehas hamara karna

Is dil ki to adaat tum ho

Har pal tumhain pokara karna

Tere bin ab reh nahi sakte

Hai dushwar guzara karna

Rakh doon ga main jaan qadmon mein

Bas tum eik ishara karna

Tum aankhon mein aan base ho

Ab to roz nazara karna

Tum hi ho jeene ki hasrat

Tum hi mujh ko sahara karna

Ab tere naam hai sab kuch

Ab kia roz tumhara karna

Jo lahasil ho us se Mohabbat nahi Ishq hota hai

Jo lahasil ho us se Mohabbat nahi Ishq hota hai

Kam tere Zabt ki qeemat nahi karne walay

Kam tere Zabt ki qeemat nahi karne walay

Hum teri ankh se hijrat nahi krne walay

Apne Nazdeek mohabat hai ibadat ki tarha

Hum ibadat ki tijarat nahi krne walay

Ye alag baat hai k izhaar nahi kar sakte

Ye na samjho mohabat nahi karne walay

Kaat kar phaink de sar chahe saja naizay par

Hum tere haath pe Baiat nahi karne walay

Hakim-e-waqt Zara apne Garebaan mein jhank

Log Bewajha Baghawat Nahi Karne Walay

Allah hi to hai

Allah hi to hai

Jo Dil ki khamoshi ko bhi

Samajh leta hai

Jab mohabbat aur nafrat aik hi insan se ho jaye

Jab mohabbat aur nafrat aik hi insan se ho jaye 

to

Use bholana bohat hi moshkil ho jata hai

Koi chara nahi dua ke siwa

Koi chara nahi dua ke siwa

Koi sunta nahi khuda ke siwa

is tarhan dil k zard aangan mein

is tarhan dil k zard aangan mein

Teri yadoon ke daagh jalte hain

Jaise aandhi mein toti kabron par

Sehme sheme charagh jalte hain