Punjabi Couple Images Download for 2 Lines Poetry

You have perfect Urdu 2 lines poetry but could not any perfect image to post with these beautiful Urdu Shayari. Here is the best Punjabi Couple Images Download for 2 Lines Urdu Poetry on Facebook, Twitter, or Pinterest. Beautiful Punjabi girl Couple images for are here to create a beautiful post as you want on your social media profile and I hope Its also attractive your Facebook page. So see

Latest 2018 Urdu Love Poetry Collection

Latest 2018 Urdu Poetry Collection is ready to express your emotion in 2018. Here is the most awesome 2 lines Shayari Images collection that I present with new special design to share with your beloved and others on Facebook, Twitter WhatsApp etc.
Yeah, these are the best and most famous love poetry in Urdu which you can�t find anyplace else. Yes, it's true that you can�t see these love Shayari

Kamal E Zabt Ko Khud Bhi To Azmaungi

Kamal E Zabt Ko Khud Bhi To Azmaungi

Main Apane Haath Se Us Ki Dulhan Sajaungi

Supurd Kar Ke Use Chaandani Ke Haathon Mein

Main Apane Ghar Ke Andheron Mein Laut Aongi

Badan Ke Karb Ko Woh Bhi Samajh Na Payega

Main Dil Mein Roungi Aankhon Mein Muskuraungi

Woh Kyaa Gayaa Ke Rafaqat Ke Saare Lutf Gaye

Main Kis Se Routh Sakuungi Kise Manaungi

Woh Ek Rishtaa E Benaam Bhi Nahi Lekin

Main Ab Bhi Us Ke Ishaaron Pe Sar Jhukaungi

Bichha Diya Tha Gulaabon Ke Saath Apana Wajood

Woh So Ke Uthe To Khwaabon Ki Raakh Uthaungi

Ab Us Ka Fan To Kisi Aur Se Manasob Hua

Main Kis Ki Nazm Akele Men Gun Gunaungi

Javaz Dhuundh Raha Tha Nai Muhabbat Ka

Woh Keh Raha Tha Ke Main Us Ko Bhool Jaungi

Mukammal do he danoo per yeh Tasbeeh e Mohabbat hai

Mukammal do he danoo per yeh Tasbeeh e Mohabbat hai

Jo aaye teesra dana ye Dori toot jaati hai

Muqarrar waqat hota Mohabbat ki Namazon ka

Adaa jin ki nikl jaye. Qazaa bhi choat jati hai

Mohabbat ki Namazon mein imamat aik ko soanpo

Issay taknay. Usay taknay se Niyyat toot jati hai

Mohabbat dil ka Sajda hai jo hai Tauheed per qayem

Nazar k Shirk kerne se Mohabbat rooth jati hai

Is duniya ne meri wafa ka kitna uncha mol diya

Is duniya ne meri wafa ka kitna uncha mol diya

Payroon mein zanjireen dali hathon mein khaskol diya

Jab bhi ko inaam mila hai mera naam bhi bhool gaye

Jab bhi koi ilzaam laga hai mujh par laakar dhol diya

Haath ke chhale paaon ke kaante aankh main aansoo dil ka dard

Tune mujhko pyaar main jo bhi tohfa diya anmol diya

Ab ghum aayen khushiyaan aayen maut aaye ya tu aaye

Main ne to bas aahat paayi aur darwaza khol diya

Jitna khushi se rishtaa mera utna ghum se naata hai

Maine ek mizaan main apna saara dukh sukh tol diya

Ja k doshman se mere dosti pakki kar li

Ja k doshman se mere dosti pakki kar li

Ek hi raat mein bhai ne tarakki kar li

Rahe mehroom hum ye soch kar unchi urahno se

Rahe mehroom hum ye soch kar unchi urahno se

Hamare jisam ka parr se taluk toot na jaye

Aata mat kijiyo mujh ko jo main ne tujh se manga hai

Mere sar ka tere darr se taluk toot na jaye

Teri Awaz se pathar bhi pighal sakta hai

Teri Awaz se pathar bhi pighal sakta hai

Tu wo lamha hai jo sadyon ko nighal sakta hai

Mujh se mat poch mere dil ki lagi ka aalam

Mere ashqon se tera haath bhi jal sakta ahi

Teri meri yehi ek pehchan hai

Teri meri yehi ek pehchan hai

Main teri jaan hoon tu meri jaan hai

Kia meri jhopri kia ye tera mehal

Main bhi mehman hoon tu bhi mehman hain

Roshni ka kuch na kuch imkaan hona chahiye

Roshni ka kuch na kuch imkaan hona chahiye

Band kamre mein bhi roshandan hona chahiye

Wo jo anparr hain chalo hewan hain to theek hain

Hum paray likho ko to insaan hona chahiye

Hindo muslim chahe jo likha ho mathe par magar

Aap k seenay pe hindustan hona chahiye

Deepak jugnu chaand sitaare ek se hain

Deepak jugnu chaand sitaare ek se hain

Yani sare dard k mare ek se hain

Darya hoon mein bhed bhao ko kia jano

Mere liye to dono kinare ek se hain

Jis k dil mein tu hai Maula us k liye

Mandir Masjid Aur Gurdware ek se hain

Phoolon ne diye zakham to kanton se gila kia

Phoolon ne diye zakham to kanton se gila kia

Kia karna tha apno ne salok aur kiya kia

Jab haath mein shesha tha na sagar na meena

Gar dil nahi toota hai to phir chaan se gira kia

Tum ne jo mehakte howe ye sher kahe hain

Phir kocha e jana se koi zakham mila kia

Wo pochte phirte hain mere baray mein sab se

Ek mera bhi shayar hai usay tumne suna kia

Chale the aana thi k wo gehrat thi k kia tha

Jab farash tha makhmal ka to talwon mein chobha kia

Sheron mein kiraye ka makaan dhond rahe ho

Rone ki saza hai na rulane ki saza hai

Ye dard mohabbat ko nibhane ki saza hai

Sheron mein kiraye ka makaan dhond rahe ho

Ye gaon ka ghar chor k aane ki saza hai

Maza dekha miyan sach bolne ka

Tarap lein to kasar koi nahi hai

Magar us par asar koi nahi hai

Maza dekha miyan sach bolne ka

jidhar tum ho udhar koi nahin hai

Aate hain aane do ye toofaan kya le jaayen ge

Aate hain aane do ye toofaan kya le jaayen ge

Main to jab darta k mera hausla le jaayen ge

Jis zameen par main khara hoon wo meri pahchaan hai

Aap aandhi hain to kya aap mujh ko urh le jaayen ge

Aap bas kirdaar hain apni hade pahchaniye

Warna phir ek din kahaani se nikaale jaayenge

Tu samajta hai k rishton ki dhohai denge

Tu samajta hai k rishton ki dhohai denge

Hum to wo hai jo tere chahre se dikhai denge

Hum ko mehsos kia jaye hai khushbo ki tarhan

Hum koi shorr nahi hain jo sunai denge

Faisla likha howa rakha hai pehle se khilaf

Aap kia khaak aadalat mein safai denge

Wo meri peit mein khanjar zaror utare ga

Wo meri peit mein khanjar zaror utare ga

Magar nigha milegi to kaise maray ga

Lagta to bekhabar sa hun lekin khabar mein hoon

Lagta to bekhabar sa hun lekin khabar mein hoon

Teri nazar main hoon to main sab ki nazar mein hoon

Manzil ki wo kahin jinhe manzil ki ho talab

Mujh ko yehi bohat hai teri rehguzar mein hoon

Haadso ki zad pe hain to kya muskurana chor dein

Haadso ki zad pe hain to kya muskurana chor dein

Zalzalon ke khauf se kya ghar banana chor dein

Tumne mere ghar na aane ki Qasam khaayi to hai

Aansuyo se bhi kaho aankho mein aana chor dein

pyaar ke dushman ek baar pyaar se keh k to dekh

Aik tera dar hi kya hum to zamaana chor dein

Dard mandi k sabhi rishte dhare reh jayenge

Aansuyo ka bojh agar palken uthaana chor dein

Baarishen deewar dho dene ki aadi hain to kya

Is khauf se hum tera chehra banana chor dein

Mujh ko gunahgar kehe aur saza na de

Mujh ko gunahgar kehe aur saza na de

Itna bhi iktiyar kisi ko khuda na de

Kya dukh hai samandar ko bata bhi nahi sakta

Kya dukh hai samandar ko bata bhi nahi sakta

Aansoo ki tarah aankh tak aa bhi nahi sakta

Tu chor raha hai to khata isme teri kya

Har shakhs mera saath nibha bhi nahi sakta

Pyase rahe jaate hain zamane ke sawalaat

kis k liye zinda hoon bata bhi nahi sakta

Ghar dhoondh rahe hain mera raaton ke pujari

MAin hoon ki charaagon ko bhujha bhi nahi sakta

Waise to ek aansoo hi bahaa ke mujhe le jaaye

Aese koi toofan hila bhi nahi sakta

Wo Bulayen to kya Tamasha ho

Wo Bulayen to kya Tamasha ho

Hum na Jayen to kya Tamasha ho

ye Kinarun se Khelnay walay

Doob jayen to kya Tamasha ho

Banda parwar Jo Hum pe Guzri hai

Hum batayen to kya Tamasha ho

Aaj Hum bhi Teri Wafaon par

Muskurayen to kya Tamasha ho

Teri Surat jo Ittefaq se Hum

Bhool jayen to kya Tamasha ho

Waqat ki Chand Saatein Saghar

Loat aayen to kya Tamasha ho

Thehri Thehri Si Tabiyat Mein Rawaani Aai

Thehri Thehri Si Tabiyat Mein Rawaani Aai

Aaj Phir Yaad Mohabbat Ki Kahaani Aai 

Aaj Phir Neend Ko Aankhoon Se Bicharte Dekha 

Aaj Phir Yaad Koi Choat Puraani Aai 

Muddaton Baad Un Pe ChaLa Hamaara Jaado 

Muddaton Baad Humain Baat Banani Aai 

Muddaton Baad Pasheman Huwa Darya Hum Par 

Muddaton Baad Humain Piyaas Chupaani Aai 

Muddaton Baad KhuLi Wusat e Sehraa Hum Par 

Muddaton Baad Humain Khaak Urrani Aai 

Itni Aasani Se Nahi Milti Fun Ki Doalat 

Dhal Gai Umer Tu Ghazlon Pe Jawani Aai

Hum Raat Bohat Roye

hum raat bohat roye bohat aah o faghan ki

dil dard se bojhal ho to phir neend kahan ki

sir zaano pe rakhe hue kya soch rahi ho

kuch baat samajhti ho mohabbat zadgan ki

tum meri taraf daikh k chup ho si gai theen

wo saat e khush waqat nishaat guzran ki

ek din ye samajhte thay k payan e tamanna

ek raat hai mahtaab k ayyam e jawan ki

ab aur hi auqat hai aay jaan e tamanna

hum nala kushan, begunah, ghum zadgan ki

is gher ki khuli chhat pe chamakte hue taaro

kehte ho kabhi baat wahan ja k yahan ki

bargashta hua hum se ye mahtaab to piyaro

bas baat suni raah chala kehkashan ki

Allah kare Meer ka jannat mein makan ho

marhom ne her baat humari hi bayan ki

parhte hain shab o roz isi shakhs ki ghazalen

ghazalen k hikayaat hain hum dil zadgan ki

tum charkh e chhaarum k sataye hue logon

taaraaj karo zindagiyan ehal e jahan ki

acha humen bante hue mitte hue dekho

hum mauj e gurezan hi sahi aab rawan ki

Insha se milo is se na roken ge lekin

is se ye mulaqat nikaali hai kahan ki

mashhor hai her bazam mein is shakhs ka sauda

baaten hain bohat shehar mein badnam miyan ki

aay dosto aay dosto! aay dard naseebo

galiyon mein chalo sair karen shehar e butan ki

hum jayen kisi sim't kisi chawk pe thehren

kahiyo na koi baat kisi sood o ziyan ki

Insha ki ghazal sun lo per ranjor na hona

dewana hai dewane ne ek baat bayan ki

hota hai yehi ishq mein hanjaar sabhi ka

baaten yehi dekhi hain mohabbat zadgan ki

Teri yaad roshni hai

Teri yaad roshni hai mera dil chamak raha hai

Tere zikar k golon se mera ghar mehak raha hai

Abhi aas hai Tumhari abhi mein mari nahi hoon

Abhi Saans chal rahi hai abhi dil dharak rahai hai

Ussy ye batao Do ghaz hi zameen ka hai wo malik

kai kothiyan bana k jo bohat behek raha hai

Na chal itna sar utha kar ye hayat muktasir hai

Kahin moat ka farishta teri raha tak raha hai

Tumhi aao to bache ga ye diya mohabbaton ka

Jisay tum jala gaye the wo palak jhapak raha hai

Mere Maseeha mein jee uthungi

Mere Maseeha mein jee uthungi duwain de de dawa se pehle

Hayat mein noor ban k aa ja ghamon ki kali ghata se pehle

Wo bewafa ho gaya hai phir bhi ussi ki yadoon mein ghom rahon gi

Ye kaise bholon k usne mujh se wafa bhi ki hai jafa se pehle

Jo chahte hain madad sabhi se zalil hote hain wo jahan mein

Nawazti hai unhi ko duniya jo mangte hain Khuda se pehle

Watan bachane ka waqat hai ye makaan bachane ki fikar choro

Mere bhi hathon mein de do parcham mere bhozorgo hina se pehle

Khatayen mujh se hoi hai lekin mujhe yaqeen hai tu bakhsh de ga

Main hashar k din pokar lon gi tere karam ko saza se pehle

jo hai naseeb mein wo kham nahi nikalta hai

Jo hai naseeb mein wo kham nahi nikalta hai

Hamare dil se tera ghum nahi nikalta hai

Sabhi ki piyas ko aezaz ye nahi milta

Sabhi ki aeri se Zamzam nahi nikalta hai

Kahan hai aa ja k main ab sakoon se marr to sakun

Tere bagair mere dam nahi nikalta hai

Best Sufi Poetry | Heart Touching Sufi Shayari

Read the best collection of Sufi Poetry in Urdu and Punjabi. Sufi Shayari has been written in various languages, But Punjabi is the one of most perfect for Sufi poetry. In this post, I'm sharing some great verses of a few great Sufi poets of Punjab.
So let's see the following heart touching Sufiyana poetry.































If you have liked this post then please share it on

Yeh Qafas Hi Mujh Ko Azeez Hai

Yeh Qafas Hi Mujh Ko Azeez Hai Yahan Jee To Loon Ga Qaraar Se 

Mujhe Ab Chaman Main Na Le Chalo Main Dara Huwa Hun Bahaar Se 

Ghum E Aashiqi Se Bhi Sakht Tha Gham E Zindagi Ka Maarka 

Jo Shikast Khaai To Ro Diya Main Lipat Ke Daaman E Yaar Se 

Main Kis Ka Karun Gila Hai Mera Naseeb Hi BeWafa 

Wohi Mujhse Karte Hain Dushmani Jinhen Dekhta Hun Main Pyar Se

Meri ummeed mera pyar meri aas raho

Meri ummeed mera pyar meri aas raho

Tum mujhe chor k mat jao mere pas raho

Rozi roti k liye apna watan mat choro

Jis ko seecha hai laho de k wo chaman mat choro

Ja k pardes mein chahat ko taras jao ge

Aesi beloas mohabbat ko taras jao ge

Phool pardes mein chahat ka nahi khilta hai

Eid k din bhi gale koi nahi milta hai

Main kabhi tum se karon gi na koi farmaish

Aesh o aaraam ki jagegi na dil mein khowaish

Fatima bibi ki bandhi hon bharosa rakho

Main tumhare liye jeeti hon bharosa rakho

Lakh dukh dard ho hans hans k guzar kar longi

Peat par band kar pathar bhi basar kar longi

Tum agar jao ge pardes saja kar sapna

Aur jab aao ge chamka k muqadar apna

Mere chere ki chamak khakh mein mil jaye gi

Meri zulfon se ye khushbo bhi nahi aaye gi

Heere aur moti pehen kar bhi na saj paongi

Surq jore mein bhi bewa si nazar aaongi

Dard e furqat ghum e tanhai na seh paongi

Main akeli kisi surat na reh paongi

Mere dhaman k liye bagh mein kante na chuno

Tum ne jane ki agar thanli dil mein to suno

Apne hanthon se mujhe zeher pila kar jana

Meri mitti ko bhi mitti mein mila kar jana

Na Miti Thi Na Miti Hai Na Mitegi URDU

Na Miti Thi Na Miti Hai Na Mite gi URDU

Chahne Walon Ke Honton Pe Rahegi URDU

Ye Zaban Wo Hai Jo Mahlon Mein Rahi Aan Ke Sath

Aur Mazdoor Ke Ghar Mein Bhi Rahi Shaan Ke Sath

ISHQ Ki Raah Ko Isne Kayi Raahi Bhi Diye

Sarhadon Ke Liye Jaanbaz Sipahi Bhi Diye

Jazba e Jung Ko Seenon Mein Jagaya Isne

Apne Bharat Ko Ghulami Se Chhraya Isne

Ye Zaban Jaise Usoolon Ki Zaban Lagti Hai

Aesi Dilkash Hai K Phoolon Ki Zaban Lagti Hai

Iske Nazdeek Na Hindu Na Musalman Koi

Jisne Apnaya Ise Pyar Se Uski Ye Hui

Ye Taassub Ke Andheron Ko Mita Deti Hai

Aandhiyon Mein Bhi Chiragh Apna Jala Deti Hai

Ja Ke Shaikh Ki Dahleez PaFan Ban Jaye

Poche Mandir Mein To Meera Ka Bhajan Ban Jaye

Ye To Hai Pyar Ki Pooja Ki Ebadat Ki Zaban

Ye To Hai Rooh Ki Dharkan Ki Mohabbat Ki Zaban

Is Zaban Ke Liye Seenon Mein Adawat Na Bharo

Ye Zaban Pyar Sikhati Hai Ise Pyar Karo

Is mein Hindi Ke Bhi Alfaz Hain Irani Bhi

Is mein Geeta Ke Bhi Alfaz Hain Quraani Bhi

Kon Kehta Hai Arab Se Ye Zaban Aayi Hai

Aur Is Desh Mein Gairon Ki Zaban Chhai Hai

Yahin Janmi Hai Yahin Isne Jawani Payi

Ganga Aur Jamna Ki Lahro Se Rawani Payi

Jis Tarah Bhi Rahe Isko To Yahin Rahna Hai

Hum ko URDU Ke Hareefon Se Yahi Kehna Hai

Apni Tahzeeb Ko Sansar Mein Ruswa Na Karo

Yani URDU Ko Mitane Ka Iradah Na Karo

Apni Pagri Ko Uchala Nahi Jata Logo

Ghar Se Beti Ko Nikala Nahi Jata Logo

Aaj baad muddat k Main ne usko dekha hei

Aaj baad mudat k

Main ne usko daikha hei

Woh zara nahi badli

Ab bhi apni aankhon mein

So sawal rakhti hei

Choti choti batoon par

Ab bhi khul k hansti hei

Ab bhi uske lehjay mein

Wohi khankhanahat hei

Woh zara nahi badli

Ab bhi uski palkon k

Saaye geelay rehte hein

Ab bhi uski sochon mein

Mera naam rehta hei

Ab bhi meri khatir woh

Ussi tarah he pagal hei

woh zara nahi badli

Aaj baad muddat k 

Main ne usko dekha hei

Tu mujhe bhi lagta hei

Main bhi uski chahat mein

Ussi tarah he pagal hon

Baad itni mudat k

Aur kuch nahi badla

JUZ HAMARE RASTON K

Aur kuch nahi badla

Mere Qatil Ko Pukaro K Main Zinda Hon Abhi

Mere Qatil Ko Pukaro K Main Zinda Hon Abhi

Phir Se Maqtal Ko Sanwaro K Main Zinda Hon Abhi

Ye Shab e Hijar To Sathi Hai Meri Barson Se

Jao So Jao Sitaro K Main Zinda Hon Abhi

Ye Preshan Se Gaisu Dekhe Nahi Jate

Apni Zulfon Ko Sanwaro K Main Zinda Hon Abhi

Lakh Mojon Mein Ghera Hon Abhi Dooba To Nahi

Mujh Ko Sahil Se Pukaro K Main Zinda Hon Abhi

Qabar Se Aaj Bhi MOHSIN Ki Aati Hai Sada

Tum Kahan Ho Mere Yaro K Main Zinda Hon Abhi

Tanhai Urdu Poetry Images and SMS

If you find loneliness poetry in Urdu then you are right. If you are all alone and read some sad alone poetry Urdu wallpapers and Tanhai Poetry and loneliness Shayari then also you are right page. Here is the best page to get a real and great collection of Tanhai beautiful poetry in Urdu because they think it will work for their souls and hearts to change perfectly. So enjoy my best-designed

beautiful Urdu Shayari Pics

"Kyun malamat es qadar karty ho bai hasil hai yai,

.

Lag chuka ab chothna mushkil hai es ka dil hai yai"

Kabhi jo Deta tha jaan mujh par

Kabhi jo Deta tha jaan mujh par

Usi k dil mein khatak rahi hoon

Zamana bhatka hai teergi mein

Main roshni mein bhatak rahi hoon

Hamesha ek doosre k haq mein

Hamesha ek doosre k haq mein Dua karege ye tay howa tha

Milein k bichrein magar tumhi se wafa karenge ye tay howa tha

Kahin raho tum kahin rahein hum magar muhabbat rahegi qayam

Jo ye khata hai to umar bhar ye khata karenge ye tay howa tha

Udasiyan har ghari hon lekin hayat katon bhari ho lekin

Khatoot pholoon ki patiyon par likha karenge ye tay howa tha

Jahan mukaddar milaye ga ab wahan milege ye shart kaisi

Jahan mile the wahi hamesa mila karen ge ye tay howa tha

Lipat k ro lege jab milege gham apna apna bayan karege

Magar zamane se muskura kar mila karenge ye tay howa tha

Kisi k aanchal mein kho gaye tum batao kyun door ho gaye tum

K jaan dekar bhi haq wafa ka Ada karenge ye tay howa tha

Bas yehi soch k har bar manata hon usay

Meri hasrat k janazy ko uthany waly

Kitny be dard hain ye log zamany waly

Koi apna nahi matlab ki hai duniya sari

Ab kahan milty hain wo yar purany waly

Main dua go hoon sada neendein hon mubarik tujh ko

Hijar ka dard mujhe de k jagany waly

Bas yehi soch k har bar manata hon usay

Lot k aaty nahi rooth k jany waly

Hamary dil main kabhi jhaank k daikho to sahi

Kitny afsurda hain auron ko hansany waly

Jhoot chere pe sajana nahi aaya mujh ko

Jhoot chere pe sajana nahi aaya mujh ko

Zindagi tujh ko batana nahi aaya mujh ko

Reh k duniya mein bhi seeki nahi duniya dari

Kar k ehsan jatana nahi aaya mujh ko

Duniya theater hai to nakam adakar hoon main

Koi kirdar nibhana nahi aaya mujh ko

Eik hi shaks ki khowaish mein raha sarkardan

Darbadar khak uraana nahi aaya mujh ko

Lutf to tab tha wo khud karta mohabbat mehsos

Keh kar ehsas dilana nahi aaya mujh ko

Kuch to ye dil bhi hai tanhai pasand aur is par

Umar bhar dost banana nahi aaya mujh ko

Tu samajta hai main tark e talluk se hoon khush

Rothne wale manana nahi aaya mujh ko

Sad Love Urdu Poetry Two Lines

You�re looking Sad Two Lines Poetry, 2 Lines Urdu Shayari and two line sad Shayari to update your Whatsapp status or just needed to send someone. The collection of 2 Lines Most Sad Love Urdu Poetry comes from your pain and sadness.
Here are some of the images that you can read and share with your Loved Ones. Make the world know how much pain in you and make it flow into the tears ever.
So, can�t

Adalat se bache lekin Khuda se bach nahi sakta

Adalat se bache lekin Khuda se bach nahi sakta

Koi gustakh e paigambar Saza se bach nahi sakta

Farishta Moat ka eik roz usko dhoond hi le ga

Kahin bhi ja k chop jaye Qaza se bach nahi sakta

Khamosh lab hain jhuki hain palkeen

Khamosh lab hain jhuki hain palkeen

dilon mein ulfat nayi nayi hai 

Abhi takalluf hai guftgoo mein 

abhi mohobat nayi nayi hai 

Abhi na aayegi nennd tum ko 

abhi na hum ko sukon mile ga 

abhi to dharke ka dil zeyada 

abhi ye chahat nayi nayi hai 

Bahar ka aaj pahla din hai 

chalo chaman mein tehl k aayen 

faza mein khushbo nayi nayi hai 

gulon pe rangat nayi nayi hai 

Jo khandani raees hain wo 

mizaaj rakhte hain narm apna 

tumhara lehja bata raha hai 

tumhari dolat nayi nayi hai 

zara sa Qudarat ne kya nawaza 

aa k baithy ho pehli saff mein 

abhi se urrny lagy hawa mein 

abhi to shohrat nayi nayi hai

1920 Evil Returns Poetry

Har waqt Har kahin hai...bas wo yahin, nahe hai...Dar sai dara dara hai,Usko yaqeen nahe hai.Wo chahta hai apna har gham kahin chop aana,Par raah mai khara hai guzra hua zamana,Khud hai wo baikhudi maiPar janti hai wo os ko,Paihchan khud ki gum hai,paihchanti hai os ko,os ny bhi koh deya hai khud ko,to kya hua hai aik ajeeb saApna ab os ko mil gaya hai...Aihsaas aisa kyun hai,Kya mujh mai khaas sa hai,Kya mairy khali pan mai,Koi aks dikh raha hai....